ليه عربيتك بتبطل علي السلانسية
لو عربيتك بتبطل علي السلانسية , اكيد ده موضوع سيئ جدا , و حرفيا ممكن يخليك تكره العربيه
لدرجة اني اعرف ناس فكرت تبيع عربياتها بسبب عيب زي ده .. من كتر ما حاولوا فيه و موصلوش لحل للمشكلة دي .. و ده كله بسبب تشخيص خاطئ
علشان كده النهارده هنحاول نتعرف علي كل الاسباب اللي ممكن تخلي العربية تبطل علي السلانسية
1- عطل في حساس قياس كمية الهواء MAF
وظيفة الحساس قياس كمية الهواء الداخله الي المحرك و ابلاغ وحده التحكم أو كمبيوتر السيارة بها , طيب و ليه كمبيوتر السيارة محتاج يعرف كمية الهواء اللي داخلة المحرك ... أقولك بكل بساطة علشان يعرف يحدد كمية الوقود اللي هيظبط بيها نسبة الهواء الي الوقود داخل غرف الاحتراق علشان يوصل للنسبة المثالية
و طبعا لو حصل اي مشكلة في الحساس ده و النسب اللي وصلت للكمبيوتر خطأ .. من الطبيعي ان يحصل مشكلة في نسب الهواء الي الوقود و بالتالي ممكن العربية تبطل معاك علي السلانسية , طيب و ليه تبطل علي السلانسية بس مش علي السرعات العاليه مثلا
هقولك لان السلانسية يعتبر اضعف حالة بيدور فيها ماتور العربية
لان بيكون شغال علي اقل نسبة هواء مع اقل نسبة وقود ... و دي اكتر حاله ممكن يظهر معاها العيوب
2 - مشكلة في حساس الشكمان
حساس الشكمان او حساس الاوكسجين " oxygen sensor" يقوم بحساب نسبه الأكسجين في عادم السيارة ويرسل البيانات الي كمبيوتر السيارة
و كمبيوتر السيارة او وحدة المعالجة المركزية للسيارة بدورها بتشوف النسب دي .. و لو لاحظت وجود اكسجين زيادة في عادم السيارة بتبدأ تزود معاه نسبة الوقود اللي داخل للمحرك او ممكن تقلل نسبة الهواء اللي في خليط الوقود علشان توصل لنسبة الاحتراق الامثل و بالتالي توصل لافضل اداء مع اقل استهلاك للوقود و اقل نسبة تلوث للبيئة
3 - انسداد او تلف في صمام EGR
بلف تدوير غازات العادم ، وظيفته هي إعادة تدوير جزء صغيرة من عادم السيارة او نواتج الاحتراق إلى غرف الاحتراق مرة اخري . و الغرض من ذلك هو تقليل درجة الحرارة بداخل غرف الاحتراق . حيث انه يسمح لغازات العادم المحترقة بالدخول مرة اخري إلى مجمع السحب او الثلاجة او المنافول و هذا بهدف تقليل حرارة الاحتراق و تقليل أكاسيد النيتروجين في عادم السيارة .
و هذا لأن عادم السيارة يتكون من ثاني أكسيد الكربون (CO2) ، وهو غاز عديم اللون و الرائحة ولا يحترق. و بما انه لا يحترق مثل الأكسجين ، فإنه يقلل بالطبع درجة الحرارة داخل السلندرات (الاسطوانه /غرف الاحتراق).
و في حالة حدوث خلل في عمل هذا الصمام ، فقد يظل مفتوح دائما او مغلق دائما ، و هذا يعني أن العادم سيستمر في التدفق أو لا يتدفق نهائيا الي مجمع السحب او المنافول او الثلاجة .
و هذا سوف يؤثر على نسب الهواء الي الوقود داخل غرف الاحتراق ، و بالطبع سيؤدي إلى فقدان الطاقة. و ينتج عن ذلك تبطيل السيارة علي السلانسيه.
4- تلف البوجيهات أو شمعات الاشعال
البوجيهات او البواجي او شمهات الاشعال spark plugs هي المسئولة عن اشعال الخليط الموجود داخل غرف الاحتراق (السلندرات) ، واذا كانت البوجيهات قديمه و أصبحت بحاجه الي الاستبدال او يوجد مشكلة في عملها فمن المؤكد انها سوف تتسبب في توقف محرك السيارة علي سرعة السلانسية .
5 -مشكلة في حساس الايدل Idle Air Control Valve
حساس الايدل أو منظم الهواء او صمام التحكم في الهواء , وظيفة هذا البلف او الصمام هي الحفاظ على عدد دورات الموتور في الدقيقة"RPM" في النطاق الأمثل أثناء رفع قدمك من علي دواسة الوقود (السلانسية)
و طبعا بيقوم بالعملية دي بناءً على الاوامر اللي بتجيلة من وحدة التحكم في المحرك (ECM) ، و اللي بيعرفها من حساسات تانية زي حساس الأكسجين وحساس الكامة و حساس الكرنك .
و في حالة وجود خلل او مشكلة في حساس الايدل ، هيأدي لانخفاض سرعة دوران المحرك بشكل كبير. و احتمال يكون سببب في تبطيل السيارة علي السلانسية .
6 - عطل او خلل في منظومة الوقود
فنقص الوقود هو احد اهم المشاكل التي تتسبب في ايقاف محرك السيارة علي السلانسية ، و طبعا وجود اي مشكلة في مكونات نظام الوقود في السيارة مؤكد طبعا انه سيؤدي الي تبطيل السيارة علي السلانسية، زي مضخة الوقود ، أو فلتر الوقود .
تعليقات
إرسال تعليق